I zë korrenti në pishinën e hotelit luksoz, humbin jetën dy turistë në Indi

Dy turistë të huaj humbën jetën në pishinën e një hoteli në Indi, pasi i zuri korrenti.

Një anëtar i ekuipazhit gjerman të fluturimit dhe një menaxher biznesi sllovak gjetën vdekjen në pishinën e një hoteli luksoz në Bengaluru, për të cilin mediat indiane raportuan të shtunën se dyshohet se u shkaktua nga një rrymë elektrike në pishinë.

Hoteli Conrad Bengaluru shprehu trishtim për vdekjen e dy klientëve të tij pas një “incidenti tragjik”, pa dhënë detaje të mëtejshme. 

Shkaku nuk dihet ende dhe hoteli po u ofron mbështetje të plotë hetuesve, tha ai në një deklaratë.

Mediat indiane, duke cituar policinë, raportuan se shkaku i dyshuar ishte goditja nga rryma elektrike, ndërsa hetuesit po përpiqen të përcaktojnë se si rryma elektrike arriti në ujë.