Presidenti kinez Xi Jinping shprehu vendosmërinë e tij për të luftuar forcat pro- pavarësisë së Tajvanit dhe ndërhyrjet e huaja në punët e ishullit të mërkurën, në prag të Ditës Kombëtare.
Xi riafirmoi qëllimin e ribashkimit të Kinës kontinentale dhe Tajvanit. Kina komuniste e konsideron Tajvanin nën qeveri demokratike një pjesë “të patjetërsueshme” të territorit kinez, dhe se ribashkimi është i panegociueshëm dhe i pashmangshëm, edhe nëse forca është e nevojshme.
“Ne duhet të thellojmë shkëmbimet dhe bashkëpunimin përgjatë Ngushticës së Tajvanit, të shtypim me vendosmëri forcat separatiste që mbështesin pavarësinë e Tajvanit, të kundërshtojmë ndërhyrjen nga forcat e jashtme, të promovojmë zhvillimin paqësor të marrëdhënieve ndër-ngushticë dhe të çojmë përpara kauzën e madhe të ribashkimit kombëtar”, tha Xi Jinping në një fjalim të transkriptuar nga agjencia shtetërore e lajmeve Xinhua dhe të mbajtur në një pritje në Pekin.
Pekini e sheh udhëheqësin tajvanez Lai Ching-te, një mbrojtës të vendosur të sovranitetit të ishullit, si një separatist dhe një krijues krizash dhe një nxitës lufte.
Kina ka rritur ndjeshëm presionin, përfshirë presionin ushtarak, mbi Tajvanin vitet e fundit.
Ajo kundërshton çdo ndërveprim të huaj me Tajvanin që mund të minojë parimin “një Kinë” . Mbështetja e SHBA-së për Tajvanin është një element i spikatur i marrëdhënieve midis Pekinit dhe Uashingtonit.
Presidenti Xi Jinping i kërkoi homologut të tij, Donald Trump, gjatë një vizite shtetërore javën e kaluar që ta trajtonte çështjen e Tajvanit, me kujdes. Ai i bëri thirrje hapur Shteteve të Bashkuara të kundërshtojnë pavarësinë e Tajvanit dhe të largohen nga pozicioni i tyre historik i mos mbështetjes së tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
