Dalja nga shinat e një tramvaji në linjën 9 në Milano të Italisë pasditen e sotme, shkaktoi një të vdekur dhe 39 të plagosur.
Shërbimet e policisë dhe të emergjencës ndodhen në vendngjarje. Një person i plagosur u dërgua në spital me kod të kuq, në gjendje kritike.
Në kohën e daljes nga shinat, tramvaji ishte plot me njerëz të cilët ranë përtokë pas përplasjes.
Viktima u nxor nga poshtë tramvajit të dalë nga shinat dhe dyshohet të ketë qenë një këmbësor që po ecte përgjatë Viale Vittorio Veneto.
Dalja nga shinat ndodhi pak pas orës 16:00 në Viale Vittorio Veneto, me tramvajin që udhëtonte nga Piazza Repubblica drejt Porta Venezia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
