Një zjarr i përmasave të mëdha në një pallat banimi në Kinën veriore ka shkaktuar të paktën 14 viktima, ndërsa dhjetëra persona të tjerë kanë mbetur të plagosur. Bilanci tragjik u konfirmua mëngjesin e së hënës nga mediat shtetërore kineze, pasi numri i viktimave u rrit krahasuar me raportimet fillestare.
Sipas mediave te huaja, ngjarja ndodhi në një ndërtesë banimi në qytetin Taiyuan, në provincën Shanxi. Sipas agjencisë zyrtare të lajmeve Xinhua, fillimisht 38 persona u transportuan në spital për të marrë ndihmë mjekësore, pesë prej të cilëve nuk arritën t’u mbijetonin plagëve. Gjatë orëve në vijim, numri i viktimave u rrit në 14.
Zjarri u vu nën kontroll, ndërsa operacionet e kërkim-shpëtimit përfunduan. Autoritetet kanë nisur hetimet për të përcaktuar shkaqet e rënies së zjarrit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
