Oficeri belg i sigurisë, i cili u arrestua dhe u padit për spiunazh javën e kaluar, punonte për njësinë lokale të policisë së qytetit të Brukselit, raportuan mediat lokale dhe një person me njohuri për rastin e konfirmoi për Politico.
Polici i cili besohet se kishte akses në botën diplomatike ndërkombëtare në Bruksel, u arrestua të enjten e kaluar dhe më vonë u lirua nën kufizime të rrepta.
Një zëdhënës i shërbimit policor lokal që mbikëqyr qytetin e Brukselit dhe Ixelles tha se:
Nuk do të komentojmë më tej ndërsa procesi është në vazhdim. Do të merren masa të përshtatshme bazuar në përfundimet e këtij hetimi.
Akuzat lidhen me spiunazh për Kinën, tha një nga personat për Politico, duke shtuar se oficeri po hetohet gjithashtu nëse ai ka spiunuar edhe për Rusinë.
Arrestimi vjen mes presionit në rritje mbi agjencitë e sigurisë së Belgjikës. Në shkurt, gazeta belge Le Soir zbuloi se hakerat kinezë kishin infiltruar sistemet e sigurisë shtetërore midis viteve 2021 dhe 2023, në atë që konsiderohet shkelja më e madhe e të dhënave e agjencisë ndonjëherë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
