Bombardimi i Katarit, një komb sovran dhe një aleat i ngushtë i Shteteve të Bashkuara dhe po merr rreziqe për të negociuar për paqe nuk i sjell dobi objektivave të Izraelit apo të Amerikës.
Kështu tha Zëdhënësja e Shtëpisë së Bardhë, Karoline Leavitt në një konferencë për mediat.
Izraeli dhe Katari janë dy aleatë të ngushtë të SHBA-së në Lindjen e Mesme.
"Administrata Trump u njoftua këtë mëngjes nga ushtria amerikane për sulmin e ardhshëm izraelit. Presidenti Trump menjëherë i dha udhëzime të dërguarit Witkoff që të informonte Katarin për sulmin e afërt, gjë që ai e bëri”, shtoi më tej Leavitt.
E pyetur për këtë çështje, zëdhënësja e Shtëpisë së Bardhë nuk pranoi të specifikonte nëse Izraeli i kishte paralajmëruar Shtetet e Bashkuara për qëllimin e tij për të kryer sulme në Doha apo nëse ushtria amerikane e kishte mësuar vetë këtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
