Aktorja e njohur britanike Dame Penelope Keith, e famshme për rolet në serialet "The Good Life" dhe "To the Manor Born", ka ndërruar jetë në moshën 86-vjeçare.
Familja e saj bëri të ditur se ajo u shua në paqe në shtëpinë e saj në Surrey, pas një beteje me kancerin. Keith konsiderohej një nga figurat më të rëndësishme të komedisë televizive britanike, duke fituar dy çmime BAFTA gjatë karrierës së saj.
Pas lajmit për vdekjen, kolegë dhe personalitete të njohura i bënë homazhe, duke e cilësuar si një aktore me talent të jashtëzakonshëm dhe një njeri të dashur.
Në vitin 2014 ajo u nderua me titullin "Dame" për kontributin në art dhe bamirësi. Në shenjë respekti, teatrot e West End-it në Londër do të fikin dritat në kujtim të saj, ndërsa BBC do të transmetojë një episod klasik të "The Good Life".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
