Kryeministri nacionalist hungarez, Viktor Orbán, ka akuzuar këtë të premte kundërshtarët e tij politikë për “komplot”, vetëm dy ditë përpara zgjedhjeve parlamentare në vend.
Në një reagim në Facebook, Orbán deklaroi se kundërshtarët po përpiqen të përdorin “kaosin, presionin dhe demonizimin ndërkombëtar” për të vënë në dyshim vendimin e popullit hungarez.
Ai shtoi se ata “po bashkëpunojnë me shërbime të huaja inteligjence, pa u ndalur para asgjëje” për të marrë pushtetin.
Sipas tij, ka edhe “kërcënime për dhunë” ndaj mbështetësve të tij, “akuza të fabrikuara për manipulim zgjedhor” dhe “protesta të organizuara paraprakisht”, madje edhe përpara përfundimit të numërimit të votave.
Orbán, i cili është në pushtet që prej vitit 2010, synon të fitojë një mandat të pestë si kryeministër.
Nga ana tjetër, rivali i tij konservator dhe pro-evropian, Péter Magyar, rezulton në krye të sondazheve të pavarura.
Edhe ai ka paralajmëruar për ndërhyrje të jashtme në zgjedhje, duke përmendur një përpjekje të mundshme të Shteteve të Bashkuara për të ndikuar në proces, para vizitës së zëvendëspresidentit amerikan, JD Vance, në Budapest këtë javë.
Ndërkohë, ekspertët theksojnë se ekzistojnë prova për përpjekje të vazhdueshme nga Rusia për të ndikuar në fushatën zgjedhore në favor të Orbán.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
