Parlamenti Europian do të kalojë në motorin francez të kërkimit Qwant nga Google, u njoftua të mërkurën, duke nënvizuar përpjekjen e Evropës për të zvogëluar varësinë e saj nga teknologjia amerikane në favor të alternativave lokale.
Komisioni Europian do të njoftojë më vonë masat mbi çipat, shërbimet e cloud computing dhe inteligjencën artificiale, si pjesë e nismës së tij “Bli dhe përdor produktet europiane”.
“Nga 4 qershori 2026, Qëant do të bëhet motori i kërkimit parazgjedhur në shfletuesit Microsoft Edge dhe Mozilla Firefox të Parlamentit Europian”, tha një zëdhënës i Parlamentit në një email.
Ndryshimi do të zbatohet automatikisht, megjithëse përdoruesit do të jenë ende në gjendje të zgjedhin motorë kërkimi alternativë.
“Është pjesë e një kuadri më të gjerë veprimesh që synojnë uljen e varësisë së PE-së nga mjetet dixhitale jashtë BE-së dhe promovimin e shërbimeve me bazë evropiane, të fokusuara në privatësi”, tha zëdhënësi.
Parlamenti ka 720 ligjvënës, së bashku me mijëra asistentë dhe staf administrativ.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
