Ministri izraelit i Sigurisë Kombëtare, Itamar Ben-Gvir, i ka paraqitur qeverisë një plan për të ndaluar Flotiljen Globale Sumud. Sipas këtij plani, të gjithë aktivistët e arrestuar do të mbahen në paraburgim të zgjatur. Aktivistëve do t'u mohohen privilegje të veçanta si televizioni, radioja dhe ushqimi special. "Ne nuk do t'i lejojmë ata që mbështesin terrorizmin të jetojnë në rehati", tha Ben-Gvir, siç citohet nga Jerusalem Post.
Ben-Gvir sugjeroi që të gjitha anijet që marrin pjesë në flotilje të konfiskohen dhe të ripërdoren për zbatimin e ligjit izraelit. Sekuestrimi, sipas ministrit të ekstremit të djathtë, do të ishte plotësisht i ligjshëm, pasi qeveria beson se flotilja nuk është vetëm një akt politik, por edhe një përpjekje e paligjshme për të anashkaluar bllokadën.
“Ne duhet të krijojmë një pengesë të qartë. Kushdo që zgjedh të bashkëpunojë me Hamasin dhe të mbështesë terrorizmin do të hasë një përgjigje të fortë dhe të palëkundur nga Izraeli", tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
