Ish-Presidenti i Shteteve të Bashkuara të Amerikës, Joe Biden, iu nënshtrua një operacioni për të hequr qelizat kancerogjene nga lëkura në fund të gushtit.
Zëdhënësi i tij e konfirmoi ndërhyrjen për median amerikane, sipas NBC. Në moshën 82 vjeç, Biden është duke u rikuperuar nga operacioni, i cili përdor një teknikë që përfshin heqjen e indeve kancerogjene shtresë pas shtrese derisa qelizat e sëmura të eliminohen plotësisht.
Kjo nuk është hera e parë që ish-drejtuesi i Shtëpisë së Bardhë i nënshtrohet një procedure të tillë.
Në shkurt të vitit 2023, ndërsa ishte ende në detyrë, një lezion kanceroz iu hoq nga gjoksi gjatë një ekzaminimi rutinë mjekësor. Biopsia zbuloi karcinomë bazale, një nga format më të zakonshme të kancerit të lëkurës.
Majin e kaluar, Biden zbuloi se ishte diagnostikuar me një formë agresive të kancerit të prostatës me “metastaza kockore”. Ky tumor klasifikohet si 9 në shkallën Gleason, e cila vlerëson agresivitetin e kancerit të prostatës në një shkallë prej 10.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
