Ushtria amerikane njoftoi se ka kryer sulme “vetëmbrojtëse” ndaj objektivave iraniane në ishullin Qeshm, në Ngushticën e Hormuzit, duke pretenduar se veprimi erdhi si përgjigje ndaj sulmeve të Iranit kundër forcave amerikane dhe vendeve të Gjirit.
Sipas Komandës Qendrore të SHBA-së (CENTCOM), forcat amerikane goditën një stacion kontrolli ushtarak iranian dhe rrëzuan disa raketa balistike dhe dronë të lëshuar nga Irani drejt Bahreinit, Kuvajtit dhe anijeve civile në rajon.
Nga ana tjetër, Irani deklaroi se kishte sulmuar baza dhe mjete ajrore amerikane në rajon si akt hakmarrjeje, ndërsa Garda Revolucionare paralajmëroi se çdo cenim i sigurisë së Ngushticës së Hormuzit do të ketë pasoja për SHBA-në.
Përshkallëzimi i tensioneve vjen në një kohë kur negociatat për armëpushim dhe një marrëveshje mbi programin bërthamor iranian mbeten të bllokuara.
Presidenti amerikan Donald Trump ka deklaruar se Irani dëshiron një marrëveshje, ndërsa Teherani akuzon Uashingtonin për ndryshim të vazhdueshëm të kushteve në negociata.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
