Një burrë britanik ka gjetur vdekjen gjatë një transplanti flokësh në Stamboll. Martyn Latchman, 38 vjeç, vdiq javën e kaluar pasi u ndje keq gjatë fazës përgatitore të procedurës, e cila kushtoi 1500 paund.
Klinika e përfshirë, ajo e Dr. Cinik, në zonën e Besikitas, ish-klientët e së cilës përfshijnë ish-futbollistin e Anglisë dhe Manchester United, Rio Ferdinand, organizoi transferimin e Latchman në njësinë e kujdesit intensiv në një spital aty pranë, por ai vdiq pak më vonë.
Mediat turke, të cituara nga Guardian, raportuan se policia ka nisur një hetim lidhur me ngjarjen. Trupi u transportua më pas me aeroplan në Mbretërinë e Bashkuar.
Në një deklaratë, klinika tha se ishte “thellësisht e trishtuar” nga vdekja e Latchman dhe shpjegoi se ai i ishte nënshtruar me sukses një transplanti flokësh verën e kaluar dhe ishte rikthyer këtë vit për një procedurë të dytë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
