Një 51-vjeçar me origjinë shqiptare, u gjet i vdekur të enjten në një kantier ndërtimi në Padova, Itali ku po zhvilloheshin punime rinovimi në një ndërtesë. Altin Kokici, pronar i një kompanie murature në Sossano, në provincën e Vicencës, ra në një bosht ashensori dhe vdiq, sipas mediave italiane.
Trupi u zbulua nga makinat patrulluese të Shtabit të Policisë së Padovës, të cilat hynë në ndërtesë mbrëmë pasi anëtarët e familjes dhanë alarmin.
Falë vendndodhjes gjeografike në telefonat e tyre, ata mundën të shihnin se ai nuk ishte zhvendosur nga kantieri i ndërtimit. Ai kishte humbur kontaktet me familjarët atë ditë dhe furgoni i tij ishte parkuar jo shumë larg ndërtesës me bagazhin ende të hapur.
Pasi hynë brenda, oficerët i telefonuan celularit të 51-vjeçarit, duke arritur te boshti i ashensorit dhe duke e gjetur burrin të pajetë. Hetimet vijojnë për të përcaktuar shkakun e aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
