Administrata e presidentit Donald Trump ka njoftuar ndalimin e importit në SHBA të robotëve të rinj humanoidë dhe robotëve të avancuar të prodhuar jashtë vendit, duke argumentuar se ato paraqesin "rreziqe të papranueshme" për sigurinë kombëtare.
Komisioni Federal i Komunikimeve (FCC) vendosi gjithashtu kufizime për invertorët e energjisë të prodhuar jashtë SHBA-së, duke paralajmëruar se ato mund të përdoren për vjedhje të dhënash, mbikëqyrje në distancë ose sulme kibernetike.
Masat prekin kryesisht produktet e prodhuara në Kinë, ndërsa nuk zbatohen për modelet që janë miratuar më parë. Pekini reagoi duke akuzuar Uashingtonin për politizim të çështjeve tregtare dhe paralajmëroi se do të ndërmarrë masa për të mbrojtur interesat e tij.
Ky vendim vjen në një kohë kur rivaliteti teknologjik mes SHBA-së dhe Kinës po intensifikohet, veçanërisht në fushën e inteligjencës artificiale dhe robotikës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
