Shitjet e makinave hibride të prodhuara në Kinë kanë pësuar një rritje në Bashkimin Evropian gjatë viteve të fundit, duke shtuar shqetësimet në Bruksel për të ardhmen e industrisë vendase të automobilave.
Pas vendosjes së tarifave anti-subvencionuese nga BE-ja për makinat plotësisht elektrike kineze në vitin 2024, vëmendja e blerësve dhe prodhuesve u zhvendos drejt modeleve hibride.
Nga vetëm 659 mjete të shitura në vitin 2022, shifra kërceu në 160,662 vetëm në shtatë muajt e parë të këtij viti. Sipas të dhënave të Eurostat, shitjet u rritën nga 56,706 në vitin 2022 në 217,764 për periudhën janar-korrik të këtij viti.
Kjo vështirësi ka bërë që makinat hibride të zënë tashmë pothuajse 37% të tregut të përgjithshëm në BE, duke lënë pas mjetet elektrike me rreth 21%. Markat kineze si BYD, Chery dhe Leapmotor po regjistrojnë rritje treshifrore, ndërsa Geely mbetet lideri kinez në BE me 205,000 makina të shitura në tetë muajt e parë të vitit.
Përballë këtij ekspansioni, Brukseli zyrtar i ka kërkuar Pekinit të reduktojë vullnetarisht eksportet e hibrideve, në të kundërt BE-ja do të aplikojë masa të reja mbrojtëse, të cilat pritet të jenë kuota kufizuese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
