Presidenti amerikan Donald Trump hodhi poshtë të premten një propozim iranian për të rihapur Ngushticën e Hormuzit brenda shtatë ditësh, raporton Wall Street Journal, sipas të cilit presidenti amerikan parashikon një rifillim të sulmeve ndaj Iranit pas zgjedhjeve të mesit të mandatit të tij të dytë, në fillim të nëntorit.
Për më tepër, mbrëmë, republikani tetëdhjetëvjeçar publikoi një hartë në të cilën Ngushtica e Hormuzit është riemëruar “Ngushtica e Trump” në rrjetin social Truth.
Duke cituar burime në administratën e tij, WSJ raportoi se Trump është skeptik nëse Teherani do t’i përmbushë kërkesat e tij.
Irani i paraqiti Shteteve të Bashkuara një propozim më herët të premten për të rihapur kalimin detar strategjikisht të rëndësishëm brenda shtatë ditësh, duke shtuar se “zgjedhja tani i lihet” Uashingtonit.
“Periudha shtatëditore do të fillojë sapo SHBA-të ta pranojnë këtë plan”, tha Ministri i Jashtëm iranian Abbas Araghchi në selinë e OKB-së në Nju Jork.
Hapja e ngushticës është thelbi i konfliktit midis Iranit dhe SHBA-së, i cili u nxit nga sulmi që ata nisën së bashku me Izraelin kundër Republikës Islamike më 28 shkurt.
Një e pesta e hidrokarbureve të konsumuara në të gjithë botën transportoheshin lirisht përmes ngushticës përpara se të shpërthente lufta.
“Masat që duhet të ndërmarrë SHBA-ja nuk janë të reja”, sqaroi Ministri i Jashtëm iranian Araghchi. Ai shpjegoi se gjithçka ishte parashikuar tashmë në memorandumin e mirëkuptimit të nënshkruar në qershor nga presidentët e të dy vendeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
