Një 31-vjeçar zviceran plagosi me thikë tre persona mëngjesin e së enjtes në stacionin e trenit në Winterthur, pranë Zyrihut, para se të arrestohej nga policia.
Sipas autoriteteve, ngjarja ndodhi rreth orës 08:30, ndërsa motivet e sulmit mbeten ende nën hetim.
Disa pamje të publikuara në media dhe rrjete sociale tregojnë autorin e dyshuar duke bërtitur “Allahu Akbar” gjatë momentit të sulmit.
Tre të plagosurit, të moshave 28, 43 dhe 52 vjeç, të gjithë shtetas zviceranë, u dërguan në spital.
Policia nuk ka dhënë detaje për gjendjen e tyre shëndetësore.
Winterthuri, qyteti i gjashtë më i madh në Zvicër, ndodhet rreth 25 kilometra në verilindje të Zyrihut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
