Japonia i ka paralajmëruar qytetarët e saj në Kinë, mes mosmarrëveshjeve midis dy vendeve të shkaktuar nga komentet e kryeministres japoneze Sanae Takaichi në lidhje me Tajvanin, të jenë të vetëdijshëm për mjedisin përreth dhe të shmangin grumbullimet e mëdha.
Vendimi, i cili pasoi thirrjen e Pekinit drejtuar qytetarëve të saj për të mos udhëtuar në Japoni, i nxit qytetarët t’i kushtojnë vëmendje mjedisit përreth dhe të shmangin, sa më shumë të jetë e mundur, vendet ku mblidhen turma të mëdha ose që mund të identifikohen si të frekuentuara nga shumë japonezë, paralajmëroi ambasada japoneze në Kinë në një deklaratë të postuar në faqen e saj të internetit dhe dërguar banorëve japonezë.
Pekini u zotua të martën të mbrojë sigurinë e të huajve në Kinë, pasi Tokio i paralajmëroi vizitorët japonezë të jenë të kujdesshëm në vend për shkak të një mosmarrëveshjeje diplomatike.
Tensioni midis Kinës dhe Japonisë u ndez nga sugjerimi i kryeministres Sanae Takaichi se Tokio mund të ndërhynte ushtarakisht ndaj Tajvanit.
Kina, e cila e pretendon Tajvanin si pjesë të territorit të saj dhe nuk e ka përjashtuar përdorimin e forcës për të marrë ishullin demokratik, reagoi me zemërim ndaj komenteve të Takaichi-t.
E pyetur në lidhje me paralajmërimin për vizitorët japonezë, zëdhënësja e ministrisë së Jashtme Mao Ning tha se qeveria kineze gjithmonë ka mbrojtur dhe do të vazhdojë të mbrojë sigurinë e qytetarëve të huaj në Kinë në përputhje me ligjin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
