Evropa ka një plan mjaft të qartë në lidhje me vendosjen e trupave në Ukrainë.
Kështu tha Presidentja e Komisionit Evropian Ursula von der Leyen në një intervistë me Financial Times.
“Ekziston një udhërrëfyes i qartë për vendosjet e mundshme. Garancitë e sigurisë janë themelore dhe absolutisht thelbësore. Ne kemi një udhëzues të qartë dhe një marrëveshje në Shtëpinë e Bardhë”, theksoi presidentja e Komisionit Evropian.
Më pas ajo shpjegoi se kryeqytetet evropiane po punojnë mbi planet për një vendosje trupash shumëkombëshe dhe mbështetje amerikane.
"Presidenti Trump na ka siguruar se do të ketë një prani amerikane si pjesë e marrëveshjes mbrojtëse", deklaroi ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
