Udhëheqësi Suprem i Iranit, Ajatollah Mojtaba Khamenei, paralajmëroi se vdekja e Ali Larijani, Sekretarit të Këshillit Suprem të Sigurisë Kombëtare të Iranit, në një sulm ajror nuk do të mbetet pa përgjigje.
“Çdo pikë gjaku e derdhur do t’u kushtojë shtrenjtë vrasësve, këta kriminelë së shpejti do të paguajnë për vrasjet e tyre”, raporton Dw të ketë thënë Khamenei.
Ai vuri në dukje se vrasja e një figure si Larijani dëshmon për rolin e tij të rëndësishëm, si dhe “për urrejtjen që armiqtë e tij ndienin ndaj tij”.
Funerali i Larijanit do të zhvillohet në Teheran të mërkurën. Autoritetet izraelite pretenduan se e kanë vrarë Larijanin në një sulm ajror.
Larijani konsiderohej një nga udhëheqësit më me ndikim të Iranit. Disa media besonin se në muajt e fundit, ai kishte qenë vendimmarrësi de facto për çështjet më urgjente të vendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
