Vladimir Putin e ka nisur tashmë Luftën e Tretë Botërore dhe e vetmja mënyrë për ta detyruar të tërhiqet është presioni intensiv ushtarak dhe ekonomik, tha Presidenti ukrainas Volodymyr Zelensky në një intervistë me BBC.
Unë besoj se Putini tashmë e ka nisur Luftën e Tretë Botërore. Pyetja është se sa territor do të jetë në gjendje të pushtojë dhe si ta ndalojë atë... Rusia dëshiron t’i imponojë botës një mënyrë jetese të ndryshme dhe të ndryshojë jetën që njerëzit kanë zgjedhur për veten e tyre.
Lidhur me kërkesën e Rusisë që Ukraina të lëshojë 20% të Donetskut lindor që është ende nën kontrollin e saj (që përfshin një sërë qytetesh që Kievi i quan qytete fortesa), si dhe territor shtesë në rajonet jugore të Khersonit dhe Zaporizhzhisë, BBC e pyeti Zelenskyn nëse kjo nuk ishte një kërkesë e arsyeshme duke pasur parasysh mundësinë e një armëpushimi.
Unë e shoh ndryshe. Nuk e shoh thjesht si një çështje toke. E shoh, si një braktisje: një dobësim të pozicioneve tona, braktisjen e qindra mijëra bashkatdhetarëve tanë që jetojnë atje. Kështu e shoh unë. Dhe jam i sigurt se kjo tërheqje do ta ndante shoqërinë tonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
