Një gjykatë në Hong Kong dënoi të hënën manjatin e medias pro-demokracisë, Jimmy Lai me një total prej 20 vitesh burg për bashkëpunim me fuqitë e huaja dhe botime rebele, pavarësisht presionit nga Mbretëria e Bashkuar, SHBA-ja dhe mbrojtësit e të drejtave të njeriut për lirimin e tij.
Biznesmeni dhe themeluesi i gazetës pro-demokracisë, Apple Daily, e cila tashmë është mbyllur , u shpall fajtor në dhjetor për tre akuza, pas një gjyqi që grupet e të drejtave të njeriut thonë se shënon fundin e lirisë së shtypit për të cilën territori, i kthyer Kinës në vitin 1997, krenohej prej kohësh.
Dënimi i tij bazohet në ligjin e sigurisë kombëtare të vendosur nga Pekini pas protestave pro-demokracisë, ndonjëherë të dhunshme, që tronditën Hong Kongun në vitin 2019.
Ky ligj përcakton që rastet e bashkëpunimit të një rëndësie të veçantë dënohen me dënime që variojnë nga 10 vjet burg deri në burgim të përjetshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
