Presidenti amerikan Donald Trump ka kërkuar largimin e Susan Rice nga bordi i drejtorëve të Netflix, duke e quajtur atë “mashtruese politike” në një postim në Truth Social.
Kërkesa e tij u refuzua nga drejtori ekzekutiv i kompanisë, Ted Sarandos, i cili theksoi se bëhet fjalë për një marrëveshje biznesi dhe jo politike.
Reagimi i Trump vjen në mes të përplasjes për ofertën 83 miliardë dollarëshe të Netflix për blerjen e Warner Bros Discovery, e cila po sfidohet nga Paramount Skydance, kompania mëmë e CBS, e kontrolluar nga familja Ellison, e konsideruar miqësore me Trump.
Ndërkohë, Departamenti i Drejtësisë i SHBA-së po shqyrton marrëveshjen për shqetësime të mundshme mbi krijimin e një monopoli në tregun e transmetimit.
Sarandos ka zhvilluar kontakte të drejtpërdrejta me Trump, duke argumentuar se blerja do të shtojë vlerë në treg dhe do të ruajë balancën konkurruese në industrinë e medias, ku aktualisht operojnë pesë studio të mëdha në Hollywood.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
