Një sulm i rëndë ka tronditur kryeqytetin e Tajvanit të premten, kur një person i armatosur me thikë vrau tre persona dhe plagosi pesë të tjerë në zona të frekuentuara të Tajpeit.
Sipas autoriteteve, sulmuesi fillimisht përdori bomba tymuese në stacionin kryesor të trenit dhe më pas u drejtua drejt një stacioni metroje në një zonë tregtare, duke shkaktuar panik mes qytetarëve. Ai vdiq më vonë gjatë një ndjekjeje policore.
Kryeministri Cho Jung-tai tha se i dyshuari kishte precedentë penalë dhe urdhra arresti në fuqi, ndërsa policia ka nisur hetime të thelluara për të zbuluar motivet e sulmit dhe nëse ka pasur faktorë apo lidhje të tjera të përfshira.
Autoritetet theksuan se krimet e dhunshme janë shumë të rralla në Tajvan dhe se masat e sigurisë janë forcuar për të garantuar rendin publik.
Ngjarja ka rikthyer vëmendjen mbi sigurinë në hapësirat publike dhe reagimin e shpejtë të forcave të rendit në situata emergjente.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
