Qeveria e presidentit Javier Milei ka dhënë me koncesion për 25 vjet kontrollin e Rrugës Ujore Paraná-Paraguai, arteria më e rëndësishme për tregtinë e jashtme të Argjentinës. Kontrata i është dhënë konsorciumit të kompanisë belge Jan de Nul dhe partnerit të saj argjentinas Servimagnus S.A. , në atë që konsiderohet privatizimi më i madh i realizuar gjatë mandatit të Mileit.
Rruga Ujore Paraná-Paraguai përbën një nga infrastrukturat strategjike të vendit, pasi rreth 80% e eksporteve argjentinase, përfshirë sojën, misrin dhe grurin, transportohen përmes lumit Paraná. Ky korridor lumor lidh Brazilin, Paraguain, Argjentinën, Bolivinë dhe Uruguain, duke luajtur një rol kyç në tregtinë rajonale.
Sipas marrëveshjes, kompania Jan De Nul do të jetë përgjegjëse për pastrimin, mirëmbajtjen, sinjalizimin e rrugës ujore, si dhe për mbledhjen e tarifave gjatë 25 viteve të ardhshme. Vlera e kontratës arrin në rreth 15 miliardë dollarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
