Administrata Trump dhe Kremlini janë përfshirë në diskutime për heqjen e mundshme të sanksioneve amerikane ndaj Fondit Rus të Investimeve Direkte (RDIF).
Ky hap vjen si pjesë e negociatave më të gjera për t'i dhënë fund luftës në Ukrainë dhe shihet si një lëshim i mundshëm i SHBA-së ndaj Moskës.
Ndihmësi i Presidentit Vladimir Putin për politikën e jashtme, Yuri Ushakov, deklaroi për agjencinë shtetërore të lajmeve TASS se bisedimet me Uashingtonin për këtë çështje kanë "vazhduar prej kohësh".
Ai shtoi se kreu i këtij fondi, Kirill Dmitriev, po angazhohet aktivisht me zyrtarët amerikanë, ndonëse rezultati mbetet ende i paqartë.
Fondi multimiliardësh i pasurisë u sanksionua nga administrata Biden pas pushtimit të Ukrainës në vitin 2022, duke u cilësuar si një "fond i fshehtë" për Putinin dhe rrethin e tij të ngushtë. Shtëpia e Bardhë dhe Departamenti i Shtetit nuk kanë dhënë ende një koment zyrtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
