Një ish-minierë zinku në Bullgari ishte shndërruar në një “laborator” kanabisi , ndërsa autoritetet arrestuan tre persona.
Policia është në kërkim të një personi tjetër, ndërsa një hetim për trafikim të paligjshëm droge dhe pastrim parash është në vijim.
Deri më tani, janë sekuestruar rreth 70 kilogramë drogë, 600.000 euro në para kesh dhe 600 fishekë, tha Emil Borisov, zëvendësdrejtor i Drejtorisë së Përgjithshme për Luftimin e Krimit të Organizuar.
“Ish-miniera ishte e pajisur me infrastrukturë të teknologjisë së lartë dhe ndoshta është përdorur për prodhim në shkallë të gjerë të destinuar për eksport jashtë vendit”, theksoi Borisov.
Miniera ndodhet pranë fshatit Garliano, rrëzë malit Osogovo, disa kilometra larg kufirit me Maqedoninë e Veriut.
Autoritetet thanë se hetimi për të zbuluar të gjithë fushëveprimin e operacionit të paligjshëm mund të zgjasë me muaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
