Britani, ish-kryeministri Cameron po trajtohet për kancer në prostatë

Ish-kryeministri britanik, David Cameron, 59 vjeç, ka zbuluar se është trajtuar për kancerin e prostatës.

Në një intervistë me The Times, ish-drejtuesi i Downing Street tha se iu diagnostikua sëmundja pasi gruaja e tij, Samantha, e nxiti të testohej në vitin 2024.

Kanceri i prostatës është kanceri më i zakonshëm tek meshkujt në Mbretërinë e Bashkuar, me rreth 55.000 raste të reja çdo vit.

Kanceri është më i zakonshëm në moshat e vjetra, veçanërisht tek burrat mbi 75 vjeç. Rastet në moshën nën 50 vjeç janë të rralla.

Nuk më pëlqen të diskutoj për çështjet e mia personale intime të shëndetit, por mendoj se duhet ta bëj. Le të jemi të sinqertë. Burrat nuk janë shumë të mirë në të folurit për shëndetin e tyre. 

Ne kemi tendencë t'i shtyjmë gjërat për më vonë. Mendova pak a shumë, mirë, kjo të ka ndodhur edhe ty, dhe duhet ta dëgjosh me zë të lartë.

 

Lord Cameron, kryeministër konservator midis viteve 2010 dhe 2016, dhe më vonë sekretar i jashtëm në qeverinë e Rishi Sunak, i tha gazetës Times “Do të ndihesha keq nëse nuk do të dilja përpara dhe të thoja se e kam pasur këtë përvojë. Bëra një skanim. Më ndihmoi të zbuloja diçka që nuk shkonte. Më dha mundësinë ta përballoja.”