Qeveria federale gjermane ka miratuar një autorizim të përgjithshëm që lehtëson eksportin e disa pajisjeve ushtarake drejt vendeve të Gjirit Persik dhe Ukrainës. Vendimi, i bërë publik nga Ministria Federale e Ekonomisë, hyn në fuqi për një periudhë gjashtëmujore dhe synon përshpejtimin e procedurave për eksportuesit.
Sipas rregullave të reja, kompanitë nuk do të kenë më nevojë të paraqesin paraprakisht kërkesa individuale pranë Zyrës Federale për Ekonominë dhe Kontrollin e Eksporteve (BAFA), duke mundësuar kështu një proces më të shpejtë dhe më efikas për furnizimin me pajisje ushtarake.
Ministrja federale e Ekonomisë, Katherina Reiche, theksoi se situata e sigurisë në rajon, veçanërisht pas sulmeve të Iranit ndaj vendeve të Gjirit Persik, ka rritur nevojën urgjente për pajisje mbrojtëse, sidomos në fushën e mbrojtjes ajrore. Ajo shtoi se edhe Ukraina vazhdon të ketë nevoja të mëdha për mbështetje ushtarake në këtë drejtim.
Autorizimi përfshin vende si Arabia Saudite, Emiratet e Bashkuara Arabe, Katari, Kuvajti, Bahreini dhe Omani, si dhe Ukrainën. Sipas Ministrisë, eksportet do të përqendrohen në pajisje për mbrojtjen ajrore dhe detare, përfshirë edhe teknologji për zbulimin dhe neutralizimin e minave detare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
