Presidenti turk, Recep Tayyip Erdogan, tha sot se lufta në Iran duhet të ndalet përpara se i gjithë rajoni i Lindjes së Mesme të “ndizet”, duke theksuar se diplomacisë duhet t’i jepet një shans.
Javën e kaluar, sistemet kundërajrore të NATO-s interceptuan dy raketa iraniane që shkonin drejt Turqisë jugore, ku ndodhen bazat ajrore të përdorura nga NATO dhe Shtetet e Bashkuara, dhe që atëherë Aleanca ka forcuar mbrojtjen e saj në rajon.
“Kjo luftë duhet të ndalet përpara se të përhapet dhe të ndezë të gjithë rajonin. Nëse diplomacisë i jepet një shans, është shumë e mundur të arrihet kjo”, tha Erdogan, duke iu drejtuar ligjvënësve në parlament.
“Po veprojmë me kujdes për të mbrojtur Turqinë nga zjarri që e rrethon”, tha ai, duke shtuar se Ankaraja është në kontakt me të gjitha palët që kërkojnë t’i japin fund luftës.
Turqia kishte ofruar të ndërmjetësonte midis palëve përpara se të fillonin sulmet SHBA-Izrael ndaj Iranit. Që atëherë, Erdogan ka propozuar vazhdimisht një zgjidhje diplomatike për t’i dhënë fund konfliktit, ndërsa paralajmëroi gjithashtu se Turqia do t’i përgjigjej çdo kërcënimi ndaj sigurisë së saj kombëtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
