Presidenti i SHBA-ve, Donald Trump, raportoi më shumë se 1.4 miliardë dollarë të ardhura nga sipërmarrjet e familjes së tij në kriptovaluta vitin e kaluar, duke treguar se si Trump tani nxjerr pjesën më të madhe të të ardhurave të tij nga asetet dixhitale.
Dokumente e deklarimit vjetor për vitin 2025 me Zyrën e Etikës Qeveritare të SHBA-së, zbuluan se kompanitë e tij morën pothuajse 800 milionë dollarë nga World Liberty Financial, një sipërmarrje kriptovalutash që ai dhe djemtë e tij e themeluan bashkërisht. Këto të ardhura, të cilat presidenti i ndan me anëtarët e familjes, përfshinin më shumë se 520 milionë dollarë nga shitjet e kriptovalutave dhe më shumë se 250 milionë dollarë nga shitja e interesave në biznesin World Liberty.
Lajmi nënvizon se si kriptovalutat kanë transformuar fatin e presidentit. Në deklaratën e tij një vit më parë, për shembull, presidenti raportoi 57.35 milionë dollarë nga kriptot në World Liberty, të cilat më pas u rritën nëntëfish në raportimin e këtij viti.
Sipas Reuters, kohët e fundit familja Trump ka fituar të paktën 2.3 miliardë dollarë nga projektet e lidhura me kriptovalutat që kur Trump u kthye në Shtëpinë e Bardhë në vitin 2025.
Për vitin 2025, presidenti raportoi gjithashtu mbi 80 milionë dollarë të ardhura nga marrëveshjet me kompani të ndryshme mediatike dhe 52 milionë dollarë të ardhura nga kompania e tij që licencon emrin e tij për zhvilluesit e pronave jashtë vendit, të nxitura kryesisht nga marrëveshjet me partnerët e Lindjes së Mesme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
