Civilët ukrainas po përballen me kërcënimin e një dimri jashtëzakonisht të ashpër dhe të dhimbshëm për shkak të sulmeve të vazhdueshme ruse ndaj infrastrukturës kritike.
Komisioni i Pavarur Ndërkombëtar i Hetimit i OKB-së paralajmëroi se intensifikimi i sulmeve me rreze të gjatë ndaj fabrikave, depove dhe rrjeteve energjetike e portuale po i lë miliona njerëz të pambrojtur përpara rënies së temperaturave.
Hetuesit e OKB-së shprehën frikën për një përsëritje të skenarit të dimrit të kaluar, ku temperaturat ranë deri në -20 gradë Celsius.
Sipas raportit të prezantuar nga kryetari i komisionit, Erik Møse, miliona civilë vuajtën nga ndërprerjet e gjata të dritave dhe mungesa e ngrohjes, çka solli probleme të rënda shëndetësore, psikologjike, si dhe raste të vdekjeve e lëndimeve nga i ftohti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
