Autoritetet iraniane kanë ekzekutuar një burrë të akuzuar për spiunazh për Izraelin.
Lajmi u raportua nga media shtetërore, sipas të cilave emri i të ekzekutuarit është Babak Shahbazi.
Aktivistët e cituar nga gazeta izraelite Haaretz raportojnë se Shahbazi po mbahej në burg sepse i shkroi një letër Presidentit ukrainas Volodymyr Zelensky, duke i ofruar ndihmën e tij.
Irani i ka furnizuar Rusisë dronë, të cilët janë përdorur për të kryer sulme kundër Ukrainës.
Organizata iraniane për të Drejtat e Njeriut kishte paralajmëruar për ekzekutimin e mundshëm të Shahbazit.
“Mesazhi i Babak drejtuar Presidentit Zelensky, në të cilin ai ofroi ndihmën e tij në luftën kundër Rusisë, u përdor si shembull spiunazhi për Izraelin, i cili, sipas autoriteteve, i mësoi Shahbazit të përdorte Microsoft Word”, raporton organizata.
Mediat shtetërore thanë se Shahbazi kishte punuar së bashku me Esmaeil Fekrin, një tjetër të dënuar të ekzekutuar në qershor për spiunazh për Izraelin që nga fillimi i vitit 2022.
Shahbazi u akuzua për shfrytëzimin e pozicionit të tij si kontraktor që instalonte pajisje ftohëse për të mbledhur informacione nga vende të ndjeshme, si dhomat e serverëve, si dhe qendrat e lidhura me aparatin ushtarak dhe të sigurisë.
Avokati i të pandehurit kishte kërkuar një apel në Gjykatën e Lartë, e cila e hodhi poshtë kërkesën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
