Tajlandë, elefanti vret një turist në parkun kombëtar

Një elefant vrau një turist tajlandez në Parkun Kombëtar Khao Yai në Tajlandë të hënën, viktima e tretë njerëzore e kafshës, thanë zyrtarët e parkut. 

Turisti 65-vjeçar, nga provinca Lopburi, po ecte me gruan e tij në mëngjes kur u shkel për vdekje nga një elefant i quajtur Oyewan, deklaroi shefi i parkut kombëtar Chaiya Huayhongthong.

Gruaja e tij arriti të shpëtonte pasi rojet e parkut kombëtar e frikësuan elefantin, sipas të njëjtit burim. 

“Ky ishte personi i tretë i vrarë nga Oyewan. Ne mund të vendosim ta zhvendosim elefantin ose të punojmë me sjelljen e tij”, tha Huayhongthong, duke shtuar se kafsha mund të jetë përgjegjëse për disa vdekje të tjera të pazgjidhura.

Një elefant vrau një turiste spanjolle ndërsa ajo po e lante kafshën në një strehë në Tajlandën jugore në janar të vitit të kaluar. Elefantët e egër kanë vrarë më shumë se 220 persona, përfshirë turistë, që nga viti 2012, sipas Departamentit të Parqeve Kombëtare, Jetës së Egër dhe Ruajtjes së Bimëve të Tajlandës. 

Numri i elefantëve të egër në Tajlandë është rritur nga 334 në vitin 2015 në gati 800 vitin e kaluar, duke i shtyrë autoritetet t’u administrojnë vaksina kontraceptive femrave në përpjekje për të kontrolluar popullsinë që po rritet me shpejtësi.