Stuhia e fuqishme “Nils” ka lënë rreth 450,000 banesa pa energji elektrike, duke goditur veçanërisht rajonet jugperëndimore të vendit.
Erërat e forta dhe përmbytjet e mëdha kanë shkaktuar situata emergjente, ndërsa departamentet e Gironde dhe Lot-et-Garonne mbeten nën gjendje alarmi të kuq për shkak të rrezikut të përmbytjeve të lumit Garonne, raportojnë mediat ndërkombëtare.
Sipas Enedis, operatori kryesor i rrjetit të shpërndarjes së energjisë elektrike në Francë, “rajonet më të goditura janë New Aquitaine me 292,000 shtëpi dhe Oksitania me 153,000 shtëpi”.
Autoritetet lokale paralajmërojnë banorët për kujdes maksimal dhe masat e nevojshme për të shmangur rreziqet.
Stuhia Nils vjen pas tre episodeve të tjera të motit ekstrem të cilat shkaktuan përmbytje të mëdha, morën disa jetë njerëzish dhe detyruan evakuimin e mijëra njerëzve në Spanjë dhe Portugali.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
