Sanksionet e fundit të SHBA-ve kundër Rusisë janë një “hap jo miqësor” që ka dëmtuar perspektivat për ringjalljen e marrëdhënieve midis dy vendeve, tha zëdhënësi i Kremlinit, Dmitry Peskov. Megjithatë, Moska mbetet e përkushtuar për përmirësimin e marrëdhënieve dypalëshe, shtoi ai.
Sanksionet e reja, të cilat u njoftuan të mërkurën dhe janë masat e para të tilla që kur Presidenti Donald Trump mori detyrën në janar, kanë në shënjestër kompanitë e mëdha të naftës Rosneft dhe Lukoil. Uashingtoni përmendi mungesën e angazhimit të Moskës ndaj procesit të paqes në Ukrainë si argument për ndërmarrjen e këtij hapi.
Duke folur me gazetarin rus Pavel Zarubin të dielën, zëdhënësi i Kremlinit Peskov e përshkroi këtë veprim si një “hap jo miqësor” që dëmtoi perspektivat e ringjalljes së marrëdhënieve dypalëshe.
“Por kjo nuk do të thotë që duhet t’i braktisim këto aspirata. Duhet të bëjmë atë që është e dobishme për ne”, shtoi ai. “Interesat tona përfshijnë ndërtimin e marrëdhënieve të mira me të gjitha vendet, përfshirë SHBA-në.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
