Irani është drejt shpalljes së liderit të ri suprem pas vrasjes së Ali Khamenei në fillim të luftës.
Emri i Khameneit si udhëheqës i Iranit do të vazhdojë, deklaroi të dielën një anëtar i Asambleja e Ekspertëve, organi përgjegjës për zgjedhjen e liderit suprem të vendit, megjithëse një vendim përfundimtar ende nuk është shpallur zyrtarisht, njofton CNN.
Në një video të transmetuar nga mediat iraniane, Hosseinali Eshkevari tha se “çështja e përcaktimit të udhëheqjes ka përfunduar”.
Ajatollah Eshkevari, anëtar i këshillit që zgjedh liderin e ri, deklaroi se është përzgjedhur personi që do të vazhdojë rrugën e Republikës Islamike.
“Me shumicë votash është zgjedhur personi që do të vazhdojë rrugën e Ruhollah Khomeini dhe të imamit martir Khamenei. Emri i Khameneit do të vazhdojë. Votimi është bërë dhe do të shpallet së shpejti”, tha ai.
Autoritetet iraniane kanë bërë të ditur se emri i liderit të ri do të shpallet nga sekretari i Asamblesë së Ekspertëve, pasi ky organ ka përfunduar votimin për pasardhësin e Khameneit.
Sipas një tjetër kleriku iranian, Ahmad Alamolhoda, emri i liderit të ri do të bëhet publik nga sekretari i Asamblesë së Ekspertëve, Hosseini Bushehri.
Ndërkohë, në Shtetet e Bashkuara, presidenti Donald Trump deklaroi se emërimi i një pasardhësi të drejtpërdrejtë të familjes Khamenei do të ishte “i papranueshëm” për të.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
