Marrëveshja e nënshkruar ditët e fundit në Tokio hedh edhe një herë themelet për ndryshimin epokal në politikën japoneze, i paralajmëruar tashmë me zgjedhjen e Sanae Takaichi si presidente e Partisë Liberale Demokratike (LDP), e cila po udhëheq qeverinë.
Pika e kthesës erdhi të premten e kaluar, gjatë bisedimeve të rëndësishme midis Takaichi dhe Fumitake Fujita, bashkëkryetar i Nippon Ishin (Partia e Inovacionit në Japoni) të opozitës, në të cilat të dy partitë ranë dakord të formojnë një aleancë.
Marrëveshja bazë për një qeveri koalicioni e ka bërë Ishin të tërhiqet nga negociatat për një alternativë me forcat kryesore të opozitës, dhe me seancën e ardhshme të jashtëzakonshme të planifikuar për 21 tetor, zgjedhja e Takaichit, do ta bënte atë kryeministren e parë femër të Japonisë dhe tani duket e pashmangshme.
Ky veprim thonë analistët, shënon një ndryshim në politikën shumëpartiake të Japonisë, pas largimit të partisë qendrore Komeito, e frymëzuar nga budizmi, nga aleanca e saj njëzetvjeçare me partinë konservatore.
Zyrtarët nga të dyja partitë kanë siguruar se LDP do të angazhohet për të zbatuar propozimet e Ishin, përfshirë eliminimin e taksës së konsumit mbi ushqimin, aktualisht në 10%, dhe heqjen e donacioneve nga kompanitë dhe organizatat për politikanët.
Takaichi pranoi kërkesën e aleatit të saj të ri për të zvogëluar numrin e vendeve në parlament, të cilën ajo e përshkroi si një kusht të panegociueshëm.
Koalicioni i ri do të kontrollojë 231 vende në Dhomën e Ulët me 465 anëtarë, vetëm dy më pak se shumica e nevojshme. Por për të siguruar fitoren në raundin e parë, LDP tashmë po krijon aleanca me parti më të vogla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
