Rusia njoftoi se i ka dorëzuar Ukrainës mbetjet e 1,000 ushtarëve ukrainas, ndërsa ka marrë në këmbim trupat e 35 ushtarëve rusë. Njoftimi u bë nga ndihmësi i lartë i Kremlinit, Vladimir Medinsky, përmes një postimi në Telegram, pa dhënë detaje të mëtejshme.
Nga ana tjetër, Kievi konfirmoi marrjen e trupave, duke theksuar se sipas informacioneve paraprake ato mund t’u përkasin mbrojtësve ukrainas.
Shkëmbimi bazohet në marrëveshjen e arritur mes palëve gjatë negociatave në Stamboll në qershor 2025, ku u ra dakord për kthimin e deri në 6,000 trupave secila, si dhe për lirimin e të burgosurve të luftës të sëmurë, të plagosur rëndë dhe nën moshën 25 vjeç.
Zhvillimet vijnë në një kohë kur kryenegociatori ukrainas u takua në Gjenevë me të dërguarit e presidentit amerikan Donald Trump për të diskutuar planet ekonomike të rindërtimit të Ukrainës pas luftës.
Paralelisht, po përgatitet një raund i tretë bisedimesh trepalëshe, i udhëhequr nga SHBA-të, me pjesëmarrjen e Rusisë.
Pak orë para takimeve në Gjenevë, Rusia lëshoi 420 dronë dhe 39 raketa në gjashtë rajone të Ukrainës, duke plagosur dhjetëra persona, sipas presidentit ukrainas Volodymyr Zelensky.
Konflikti, i nisur me pushtimin e plotë rus më 24 shkurt 2022, tashmë ka hyrë në vitin e pestë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
