Forcat ajrore gjermane dërguan të dielën në mëngjes dy avionë Eurofighter për të ndjekur një avion ushtarak rus IL-20m që kishte hyrë në hapësirën ajrore neutrale mbi Detin Baltik, përpara se t’ia dorëzonin eskortën partnerëve të NATO-s në Suedi.
“Edhe një herë, forca jonë e gatishmërisë për reagim të shpejtë, e përbërë nga dy Eurofighter, u ngarkua nga NATO me detyrën për të hetuar një avion të paidentifikuar pa plan fluturimi ose kontakt radio në hapësirën ajrore ndërkombëtare”, tha Forca Ajrore gjermane në një deklaratë.
Ishte një avion zbulimi rus IL-20M. Pas identifikimit vizual, ne ua dorëzuam detyrat e shoqërimit të avionit partnerëve tanë suedezë të NATO-s dhe u kthyem në Rostock-Laage.
Këshilli i Atlantikut të Veriut i NATO-s do të mblidhet të martën për të diskutuar shkeljen e hapësirës ajrore të Estonisë nga Rusia, thanë të dielën për Reuters dy zyrtarë të njohur me çështjen.
Talini deklaroi se tre avionë luftarakë rusë MiG-31 kishin hyrë në hapësirën ajrore të Estonisë pa leje të premten.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
