Autoritetet e vendosura nga Moska në Krimenë e aneksuar kanë shpallur këtë të premte gjendjen e jashtëzakonshme në nivel rajonal, pas sulmeve të fundit të kryera nga Ukraina, të cilat kanë shkaktuar mungesa të mëdha të karburantit dhe energjisë elektrike.
Guvernatori i emëruar nga Rusia, Sergei Aksionov, deklaroi se ky regjim ligjor do të mundësojë reagim më të shpejtë për garantimin e funksionimit të sektorëve jetikë dhe mobilizimin e burimeve shtesë për përballimin e situatës.
Sipas autoriteteve lokale, gjendja e jashtëzakonshme lejon gjithashtu vendosjen e kufizimeve të caktuara për popullsinë, nëse kjo konsiderohet e nevojshme.
Një ditë më parë, Aksionov njoftoi ndërprerje të energjisë elektrike në të gjithë gadishullin e Krimesë, duke argumentuar se sulmet ukrainase kanë dëmtuar infrastrukturën energjetike dhe kanë shkaktuar mungesa të konsiderueshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
