Streha për nëna dhe fëmijë në qytetin Stade, pranë Hamburgut në Gjermaninë veriore, u bë skenë e një sulmi të rëndë me armë, ku humbën jetën gjashtë persona.
Sipas autoriteteve, i dyshuari është një burrë 45-vjeçar, i cili dyshohet se kishte një mosmarrëveshje për kujdestarinë e fëmijës. Ai kishte shkuar më herët në strehë për një takim dhe më pas hapi zjarr.
Viktimat janë katër gra dhe dy burra, të gjithë punonjës të strehës. Foshnja tre muajshe e të dyshuarit dhe nëna e saj nuk janë lënduar.
Policia bëri të ditur se i dyshuari, nëna e foshnjës dhe një grua tjetër janë ndaluar për t’u marrë në pyetje. Ndërkohë, hetimet për zbardhjen e plotë të ngjarjes vazhdojnë.
Presidenti i Gjermanisë, Frank-Walter Steinmeier, e dënoi sulmin, duke thënë se është thellësisht i tronditur që një akt i tillë dhune ndodhi në një vend që duhet të ofrojë siguri dhe mbrojtje.
Pesë viktima humbën jetën në vendngjarje, ndërsa e gjashta ndërroi jetë në spital.
Sipas autoriteteve, i dyshuari jeton në zonën e Hanoverit, ka lindur në Gjermani dhe është me prejardhje turke. Hetimet për motivin dhe rrethanat e sulmit janë ende në zhvillim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
