Tarifat prej 50% të Donald Trump ndaj Indisë kanë hyrë në fuqi, disa javë pasi presidenti amerikan lëshoi një urdhër ekzekutiv duke vendosur një gjobë shtesë prej 25% ndaj Indisë për blerjet e saj të naftës dhe armëve ruse.
Kjo mund t'i japë një goditje eksporteve dhe rritjes në ekonominë e pestë më të madhe në botë, duke pasur parasysh se SHBA-të ishin, deri vonë, partneri më i madh tregtar i Indisë.
Presidenti amerikan, i cili ka tronditur tregtinë globale që nga kthimi i tij në Shtëpinë e Bardhë, njoftoi këtë normë ndëshkuese në fillim të gushtit.
Megjithatë, tarifa e re amerikane nuk do të zbatohet për një numër produktesh, gjë që e zvogëlon ndjeshëm fushëveprimin e saj, siç janë iPhone-t, për shembull, të cilët prodhohen gjithnjë e më shumë në Indi.
Por këto pritet të preken nga tarifat specifike sektoriale, deri në 100%, që presidenti amerikan dëshiron të vendosë gradualisht mbi gjysmëpërçuesit dhe produktet elektronike.
Eksportuesit indianë kanë frikë nga një rënie e porosive, zhvendosje jashtë vendit dhe humbje vendesh pune. Shtetet e Bashkuara janë partneri më i madh tregtar i vendit më të populluar në botë, i cili eksporton atje mallra me vlerë më shumë se 87 miliardë dollarë çdo vit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
