Presidenti bjellorus Aleksandër Lukashenko tha të martën se mbyllja e kufirit me Bjellorusinë nga Lituania ishte një “mashtrim i çmendur” dhe akuzoi Vilniusin se po zhvillon një luftë hibride që kërcënon ekonominë kineze.
Kryeministrja e Lituanisë, Inga Ruginiene, deklaroi të hënën se vendi i saj do të fillojë të rrëzojë balonat kontrabandë që kalojnë kufirin nga Bjellorusia, të cilat kanë ndërprerë vazhdimisht trafikun ajror të vendit baltik.
Agjencia shtetërore bjelloruse e lajmeve Belta citoi Lukashenkon të thoshte se “Lituania ka shpikur një justifikim absurd, këto tullumbace, madje edhe për një vend të vogël si Lituania”.
Lituania dhe Bjellorusia kanë qenë prej kohësh në mosmarrëveshje, për shkak të strehimit që Vilnius u ofron anëtarëve të opozitës bjelloruse në mërgim.
Belta citoi gjithashtu Lukashenkon të ketë thënë se vendosja e sistemit raketor Oreshnik të Rusisë në Bjellorusi nuk është një veprim agresiv, por synon të garantojë sigurinë.
Lukashenko shtoi se, Rusia dhe Bjellorusia nuk janë të interesuara në përshkallëzimin e tensioneve me Evropën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
