Vdekshmëria e tepërt gjatë valës së të nxehtit në fund të qershorit në Belgjikë ishte më e lartë se kudo tjetër në Evropë, raportoi të hënën gazeta flamande Het Nieuësblad, bazuar në të dhënat nga rrjeti evropian i monitorimit të vdekshmërisë së tepërt EuroMOMO.
Në Belgjikë, vala e të nxehtit shkaktoi mbi 2000 vdekje të tepërta krahasuar me nivelet normale. Me një shkallë vdekshmërie të tepërt prej 48%, vendi vuajti më rëndë se, Franca +23% dhe Holanda +13%, të cilat përjetuan temperatura po aq të larta.
Njerëzit në rajonet më të varfra vuajtën më shumë nga vapa.
“Ekziston një ndryshim i rëndësishëm midis Flandrës dhe Valonisë. Dhe këtu ekziston një aspekt i pamohueshëm socioekonomik”, citohet Geert Molenberghs, një studiues në Universitetin e Leuvenit.
Një shtëpi e madhe e veçuar me gjelbërim përreth është më pak e nxehtë sesa një apartament i vogël me shumë njerëz.
Por edhe nëse e konsiderojmë Flandrën veçmas, rajoni prapëseprapë vuajti më shumë +31% sesa Franca dhe Holanda.
“Ne duhet ta rishqyrtojmë qasjen tonë ndaj ndërtimit kaotik”, beson Molenberghs.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
