Shefi i Shtëpisë së Bardhë Donald Trump dhe homologu i tij rus Vladimir Putin do të takohen në javët në vijim në Budapest të Hungarisë.
“Ramë dakord që javën e ardhshme të zhvillohet një takim i nivelit të lartë mes këshilltarëve tanë. Presidenti Putin dhe unë do takohemi më pas në Budapest, Hungari. I thashë se do t’i japim Ukrainës raketa “Tomahok”. Nuk i pëlqeu”, tha Donald Trump.
Kryeministri hungarez Viktor Orban tha se janë gati për t’i pritur dy liderët.
Takimi i planifikuar midis presidentëve amerikan dhe rus është lajm i shkëlqyer për njerëzit që duan paqe në mbarë botën.
Kremlini dhe Shtëpia e Bardhë e përshkruan telefonatën të mirë dhe frytdhënëse. Bisedimet vijnë në një kohë kur SHBA-të po bëhen gati për të dërguar raketa “Tomahawk” në Ukrainë, vendim të cilin Moska e kundërshton fortë. Këtë të premte, për të diskutuar armatimin amerikan, presidenti Volodymyr Zelensky shkon në Shtëpinë e Bardhë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
