Më shumë se 100 protestues hynë me forcë në një kantier ndërtimi të një qendre të të dhënave të Microsoft në periferi të Amsterdamit të premten, gjatë një demonstrate kundër inteligjencës artificiale.
Imazhet në mediat sociale treguan aktivistë të cilët ngjiteshin nëpër rrethime dhe grumbulloheshin brenda kantierit të ndërtimit.
Disa prej tyre hipën në një vinç, shpalosën një banderolë me një mesazh anti-IA dhe shpërthyen fishekzjarrë.
Geef Tegengas, një kolektiv aktivistësh holandezë, tha në mediat sociale se organizoi aksionin dhe se qindra mbështetës të tij po bllokonin ndërtimin e vendit.
Rreth 400 protestues ishin të pranishëm në total, tha në një intervistë Pieter Sellies, aktivist i qendrës së të dhënave për grupin aktivist Fossil Free Netherlands.
Protestat europiane, pasqyrojnë pakënaqësinë në rritje në lidhje me bumin e inteligjencës artificiale që nxit ritmin e shpejtë të zhvillimit të qendrave të të dhënave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
