Zjarri në departamentin Aude në Francën jugore, të cilin mediat franceze e quajnë vdekjeprurës, po merr përmasa gjigante, pasi kanë dalë informacionet e para rreth viktimave dhe të plagosurve.
Le Figaro raporton se 16.000 hektarë janë shkatërruar nga zjarri deri në orën 16:00 sipas orës lokale. Një grua 60-vjeçare vdiq në shtëpinë e saj, një person rezulton i zhdukur dhe nëntë të tjerë u plagosën.
Mediat franceze raportojnë se ky është zjarri më i madh i kësaj vere në Francë dhe është ende jashtë kontrollit si dhe po shkatërron vargmalin Corbieres. Rreth 2 mijë zjarrfikës dhe 500 njësi pajisjesh janë vendosur në terren për të shuar zjarrin. Ndërkohë shërbimet e specializuara të aviacionit janë në punë.
Zyra e prokurorit publik të Carcassonne tha se ka nisur një hetim për shkakun e zjarrit. Që nga shpërthimi i zjarrit më 5 gusht në komunën Ribot, ai ka prekur tashmë 15 komuna dhe ka shkatërruar ose dëmtuar 25 shtëpi dhe 35 makina, sipas vlerësimeve paraprake.
Videot e publikuara nga zjarrfikësit tregojnë re tymi që errësojnë peizazhin. Flakët kanë arritur në rrugë dhe po përhapen nga erërat e forta.
Në të njëjtën kohë, prefektura e departamentit raportoi se një ndryshim në drejtimin e erës kishte lejuar rifillimin e trafikut në autostradën A9, rrugën kryesore nga Franca në Spanjë, e cila ishte mbyllur mbrëmjen e kaluar. Disa rrugë të departamentit u shpallën të pakalueshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
