Një gjykatë franceze rrëzoi të enjten padinë e ngritur nga një familje kundër gjigantit të farmaceutikës, Bayer. Familja Grataloup pretendon se aftësitë e kufizuara të djalit të tyre ishin rezultat i ekspozimit të nënës së tij ndaj glifosatit gjatë shtatzënisë.
Herbicidi në fjalë prodhohet nga Bayer dhe padia ishte një nga çështjet e para të profilit të lartë që përqendrohej posaçërisht në ekspozimin prenatal ndaj glifosatit dhe keqformimet kongjenitale tek një fëmijë.
"Është qartë një zhgënjim i madh për familjen Grataloup dhe për ne ... Çështja meriton të paraqitet në gjykatën e apelit", thanë avokatët e familjes paditëse.
Hulumtimet kanë sugjeruar se ekspozimi prenatal ndaj glifosatit mund të ndikojë në shëndetin e foshnjave në lindje, por paditë e suksesshme kanë qenë të rralla. Bayer nga ana tjetër ka hedhur poshtë çdo pretendim dhe është shprehur se produkti është i sigurt për përdorim nga njerëzit.
Grupi gjerman farmaceutik dhe bioteknologjik ka paguar rreth 10 miliardë dollarë për të zgjidhur pretendimet e diskutueshme në Shtetet e Bashkuara se ilaçi i tij kundër herbicideve Roundup, i bazuar në glifosat, shkakton kancer.
Bashkimi Evropian e rinovoi miratimin e përdorimit të glifosatit në vitin 2023 deri në dhjetor 2033.
Në foto: Theo Grateloup duke dalë nga gjykata me prindërit e tij. Ai vuan nga keqformime të rënda që familja e tij ia atribuon ekspozimit të tij in utero ndaj glifosatit, produktit kryesor të Bayer.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
